天水圍的日與夜

「The Way We Are 天水圍的日與夜」
年份 : 2008 香港
導演 : 許鞍華
演員 : 鮑起靜, 梁進龍, 陳麗雲

　　VOD的天水圍的電影系列之一，寫實的電影，淡淡的劇情。

Coldplay The Viva La Vida Tour Hong Kong

表演者 : Coldplay
日期 : 2009 - 03 - 25
場地 : 亞洲國際博覽館 Arena

　　$480就睇到$980既距離，抵到呢真係！
　　好睇，真係好睇！

　　禾哦軻軻哦啊~~~軻! 禾哦軻軻哦啊~~~餓!
　　咒語一樣！

WATCHMEN

「WATCHMEN 保衛奇俠」
年份 : 2009 美國
導演 : Zack Snyder
演員 : Patrick Wilson, Matthew Goodie, Billy Crudup, Malin Akerman, Jackie Earle Haley, Jeffrey Dean Morgan

　　第一次去IMAX睇戲，真開心！

三月三天三地音樂會

表演者 : 藍奕邦
日期 : 2009 - 03 - 01
場地 : 元朗劇院

　　好耐無睇過show，多謝JJ既飛．

　　音樂會本應如此．

　　都話唔可以四面台架啦，你睇d聲差幾遠！

　　聲係用黎聽架！

YES MAN

「YES MAN 乜都得先生」
年份 : 2008 美國
導演 : Peyton Reed
演員 : Jim Carrey, Zooey Deschanel

　　I love Allison.

誰叫我

誰叫我倦極後要發洩
忘形時會喝醉
在事後拾回自我

但是別告訴我
無聊才想得太多

誰叫我

游龍戲鳳

「Look for a Star 游龍戲鳳」
年份 : 2009 香港
導演 : 劉偉強
演員 : 劉德華, 舒淇, 何韻詩, 張涵予

　　大咪咪，小米米，阿媽又有新歌仔．

The Curious Case of Benjamin Button

「The Curious Case of Benjamin Button 奇幻逆緣」
年份 : 2009 美國
導演 : David Fincher
演員 : Brad Pitt, Cate Blanchett

　　「Goodnite, Benjamin.」
　　「Goodnite, Daisy.」

　　The most beautiful dialog I've ever heard this year.








　　I think of a song suddenly, Blowin' in the Wind, by Bob Dylan.

How many roads must a man walk down

Before you call him a man?

Yes, 'n' how many seas must a white dove sail

Before she sleeps in the sand?

Yes, 'n' how many times must the cannon balls fly

Before they're forever banned?

The answer, my friend, is blowin' in the wind,

The answer is blowin' in the wind.

Creativie Production or Productive Creation

先睇片，容後再談．

然後是Behind the scene.

我在想，自己這幾天來的驚恐是理所當然的．

只懂想的的人，要是沒有確切的executive ability，大概出來的，都只是一些不倫不類的東西．

現在的自己，就是這種人，大概．

大搜查之女

「Lady Cop & Papa Crook 大搜查之女」
年份 : 2008 香港
導演 : 麥兆輝, 莊文強
演員 : 鄭秀文, 陳奕迅, 張國立, 葉璇, 董勇

　　見到熟人，親切哂．

十二月三十日

　　我從來無諗過生活，原來可以咁過，在肯得基睇書，食八件雞，兩杯可樂，一個雞皇飯．
　　然後，只係抽了一根煙．

　　安靜地等待，十二月三十一日的來臨，及這多事之年的過去．

Heroes Season 3

　　又一季．．．

　　又要等．．．

非誠勿擾

「If You Are The One 非誠勿擾」
年份 : 2008 中國
導演 : 馮小剛
演員 : 葛優, 舒淇

　　馮小剛的幽默，葛優的演技，舒淇的嫵媚，尼彩的哲理．

Just Dream

要是時光可以倒流二十八年

為你戴上幼稚園的四方帽

在那天真無邪的國度

你說多好

多好

Twilight

「Twilight 吸血新世紀」
年份 : 2008 美國
導演 : Catherine Hardwicke
演員 : Kristen Stewart, Robert Pattinson

　　只能說，我已過了那個年紀．
　　重點是，我竟然和JJ兩個人看這套電影．

　　但最重要的是，我坐D3，佢坐E3．
　　好在無買爆谷，只係JJ買左荷蘭特長腸．

Tomb

There is nothing by my side

but I could feel you all the time

Like desaturated butterflies

dying deep inside my mind

Tokyo!

「Tokyo! 東京部落」
年份 : 2008 法國
導演 : Michel Gondry, Leos Carax, 奉俊昊
演員 : 藤谷文子, 加瀨亮, Denis Lavant, 香川照之, 蒼井優

　　謝謝推介，感覺良好．

無常

夜空，不在夜空過後出現

清晨的序
星與月的最後一舞
太陽跟雲懈逅的期盼

我看見，荃灣與柴灣本無不同
我看見，法國跟旺角纏綿不再

恆久的無常
我們還害怕什麼，失落什麼．





獻給哀傷的友人們

禁歌

要知道，在公司大堂播聖誕歌，是一件對員工很不尊重的行動．

葉問

「Ip Man 葉問」
年份 : 2008 香港
導演 : 葉偉信
演員 : 甄子丹, 熊黛林, 林家棟, 池內博之, 黃又南, 任達華, 樊少皇

　　一代食飯宗師．葉偉信．
　　可惜的是，大部份人只會說甄子丹做得好，不會說葉偉信拍得好．

　　JJ說得對，葉問我是誰．

夢中人

　　雖說，夢中人可是我十分喜愛的歌曲．
　　喜歡到，極力爭取，也要出現在沒有必要出現的地方．

　　可是，經常成為惡夢中人也不怎麼好受．
　　醒來時，才發現原來還未夢醒，又出現在另一個惡夢中．

　　這不是比喻，而是直接的說出，近來自己的情況．

　　大部份的惡夢都是這樣開始的．

　　身體慢慢不聽使喚，開不了聲，張不到眼．有時候，也會忘記呼吸，直到心臟強烈地跳動一下，「噗」的一聲，聽到自己從體內發出的聲音，才猛然吸一口氣．彷彿呼吸與心跳也排除出自然身體機．那個夢的開始，我就只是在努力維持呼吸與心跳，卻什麼也做不到，好像植物人一樣．

　　有時候，一下又一下令人震懾的意識快速流進腦中，好像有什麼要鑽進來一樣．我不懂得怎樣才可以確切地形容這種感覺．勉強地說，就好像一些像「soap」一聲的音效，有節奏地包圍我的腦海．每當它一出現，我的整個身體就開始感到萎縮，又溶在床上．

　　通常，這會出現在夢的末端．
　　這是種令人很難堪的感覺，既不痛，也不攘．只是令人很不安，不安到發覺自己正在夢中．這時候我就會心中不斷暗念：「醒來，快些醒來．」

　　那些感覺消失後，夢就醒了．
　　然後，心臟突然強烈地跳動一下，才發覺自己開不了聲，張不到眼，動不了．

　　夢醒了，但我還在夢中，等待下一次萎縮的感覺．
　　這時候的我會感到很絕望，每次都一樣．我不知道自己在夢中發夢的盡頭有多遠．

　　在這種睡眠有如美沙銅的日子，我不想再發夢了．

快高長大

　　由上年既滿漢全席，到今年既凌晨拉大隊食常餐，睇黎下年都一定好爆．

　　「舅父生日快樂，身體健康，快高長大！」
　　「哦！多謝．」

　　快高長大，嗯．

目迷．耽美 巷一「江湖有事」

作者：馬家輝 (香港)

　　不知花了多少時間，終於完成．
　　不是不好看，只是每次都不記得看到哪裡而已．

爆粗band友

「Detroit Metal City 爆粗band友」
年份 : 2008 日本
導演 : 李闘士男
演員 : 松山研一 松雪泰子 加藤羅莎

　　喂喂！別用Death Metal來粉飾青春啊！！！！
　　Krauser先生是不會放過你的！！！

OH

拜拜.

Let's bomb our world

　　北角揭發手法罕見的冷血棄嬰案，顧客熙來攘往的超級市場被人當作拋棄親生骨肉之地。

　　一名初生女嬰被五重膠袋及一重報紙包裹，部分袋口更紮緊，被人神不知鬼不覺扔入超市生果部的垃圾膠袋內，豈料女嬰仍郁動，被眼利的女職員發現，因袋中有袋，結果愈開愈驚，遂通知保安員協助。

　　女嬰在生死關頭重見生天，但已無力哭喊，只見嘴巴用力張合呼吸，女職員見狀不禁眼泛淚光，保安員亦慨嘆：「太殘忍。」

　　女嬰疑因長時間處於低溫下，目前情況危殆，警方重案組接手調查，現正追緝涉案人士。

轉自東方日報







　　似乎世界末日，都唔係一件咩大不了既事．

鏡

　　或者咁講啦，曾任權從來都估計唔到董建華有幾咁辛苦．
　　可能咁會好d．

任因果

　　如果過去既事我地無辦法改變，我相信將來都會係一樣，改變唔到．

　　過去出現既，只係過去既我．
　　將來出現既，都只會係將來既我．

　　如果時間係一條單線進行既鐵路，一日我唔能夠穿越時空，以依家既「我」既身份去到將來，一日「我」既將來都唔可能改變．

　　過去沒有現在，
　　現在沒有將來．

R.I.P.

　　要知道一年前的自己在做著什麼，最直接的方法就是觀看照片．
　　有時候，總會認不出那個才是自己．

　　Dear Mr. Kurt, R.I.P.

啟示錄

「2008年度勳銜頒授典禮」昨日於禮賓府舉行，曾志偉、譚詠麟、肥媽、陳好逑、金培達等均獲頒榮譽勳章（Medal of Honour），Uncle Ray則獲頒銅紫荊星章，而除了阿倫身在美國未能出席外，各得獎者也盛裝現身領獎。

轉自東方日報

師兄

我愛隊長

啞子與黃蓮

男公關

下世紀再嬉戲

就這樣決定吧，恆．

這世界已不再美好．

事過．境遷

一年前

回望昨日在荃灣那門前

唏噓的感慨一年年

但日落日出

永沒變遷

一年後

這刻在望著自己笑容時

竟不知不覺的無言

讓日落暮色

滲滿淚眼

在那些開放的路上

踏碎過多少理想

海賊王

我所愛　我不改

千夫所責也不放

不愛看的不要看

我的信仰　我會護航

要做自己喜歡的事，其實很難

誰和誰做了蠢事

誰和誰亂了主旨

連自己也開始

感到不知如何是好

害怕

但是我卻未後悔

這是我所尋求

Every Little Things I think

星期天早上八時的柴灣
竟然只有一間食店營業

由荃灣到柴灣
除左Eason同Eric Kwok
我都希望可以寫出一首歌
舒發自己對鄭榮記同鄧奶佬既感情

食著全柴灣工業村最難食既一丁
我就發覺自己仲有少少希望

將勤補絕
唯有係咁

Yellowish Blue

四年前
有一編日誌
他這樣說

「昨天躺在排球場地上看天空

　今天躺在剪接室地上看天花

　竟然沒太大分別

　都是黑漆漆的

　躺在地上重複聽同一首歌三小時

　日出後把音樂關上

　這樣應該會好一點」

那時候的夜
會致電友儕互訴辛酸

現在的夜
只有陌生的外國主持

還好
天花還是一樣空洞
看著看著
就很快入睡

第一次來這裡的時候
已經覺得有一種熟識的感覺
想了好幾天
才發覺是空氣的味道
和四年前的公司幾乎相同
令某些石化了的事
活現

地氈比想像中潔淨
感覺不錯

發了一個夢
在藍天下悠蕩
聽著Karen Ann的Beautiful Day
吃了冰淇淋

醒來的時候
iTunes還在重覆著同一首歌曲

and it was called Yellow.

EATING WHALE

在公司一邊看電視一邊工作
travel & living播著的
竟然就是這個吃鯨魚的國家

觀賞完畢
結論只得一個

原來任何地方也可以拍得有趣的
只是我能力不足而已

HELP

我的失眠，大概已到達無可救藥的地步．

乏力

Uncontrollable.

Dreaming I was Dreaming

為何突然襲擊我

來進入我悶透夢窩

夢中尋

一分鐘抱緊

one minute

我望著時鍾
什麼也不做

上面寫著
03:15

突然轉到
03:16

我不知道
這一分鐘有沒有浪費

收口

　　一睇就知我得罪人多，稱呼人少．
　　好，收口！

Chat with Little Baby Oil

　　「唔係你緊係咁講啦．」
　　「屌！年幾前你咪又係咁同我講．」
　　「唔係馬．」
　　「你其實係咪未番香港呀．」

　　好耐無去芝美樂．

　　對唔住，小柔．
　　我都唔知原來之前答你答得咁鳩．

　　過去既就算，今晚既點心任叫，我請．

Wallpaper

　　好多年前，我決定唔再用wallpaper．
　　前幾日，失心慌咁用左張wallpaper．

　　今次真係仆街，竟然會用．

看不下去

　　完全地，不忍心．
　　看不下去．

Stranger in September

　　九月仲有幾日就唔係度，點都要Po一Po呢首歌．

　　夢仍熱暖 浪漫是我的故事
　　像霧像雨霎時滲著淚
　　默念著妳怎去睡


　　九月中的陌生人／李克勤

If...

如果NOW是黑夜
那麼LEON便不遠了


喜劇之王都好似講過類似既野



真係架?
Leon係咪指The Professional先?
定真係會變到黎明咁柒呀

Don't Speak

Just smoked.
and work hard.




and stop.

Rainy

Why does it always rain on me?

I asked.

Why does it always rain on me?

I shouted.

Why does it always rain on me?
I blazed.

Stop.

Don't you know the secret?

Smile.

Sunshine is on your lips.

What do you think?

I guess I might be wrong

One word said

1,1,1 - trifloromethane

One man said

Run run run, try follow me, think!

Chemically, I forgot the structure

Is it possible?

Physically, I forgot the nature

Is it durable?

Basically,

What do you think?

1,1,1 - trifloromethane, CF3

It should not exist in this world

but may be in dream

I know

Monosodium Glutamate

You are MSG

Flavour enhancer for me

Color to see, lightness for free

Pretty as pretties be

Left Past, Right Now.

Let's make a deal.

Funny Games

「Funny Games 瘋殺遊戲」
年份 : 2007 美國
導演 : Michael Haneke
演員 : Naomi Watts, Tim Roth, Michael Pitt, Brady Corbet, Devon Gearhart

　　Hi Paul. Nice to meet you.
　　Please to meet you too.

　　What hell re you doin?
　　Killin'
　　Wow! Kool~
　　Sure, wanna join?

　　Yea!
　　Ba!!!!!!

　　I am Alex, much cooler than you, doggie.
　　Nice to meet you.

Then She Found Me

「Then She Found Me 她找我」
年份 : 2008 美國
導演 : Helen Hunt
演員 : Helen Hunt, Colin Firth, Bette Midler, Matthew Broderick

　　飛機電影系列四．
　　亂咁click黎睇，淡淡然，又okay．

Sex and the City

「Sex and the City 色慾都市」
年份 : 2008 美國
導演 : Michael Patrick King
演員 : Sarah Jessica Parker, Kim Cattrall, Kristin Davis, Cynthia Nixon, Chris Noth

　　飛機電影系列三．
　　好中產，好唔真實，同我距離好遠．

Run Fatboy Run

「Run Fatboy Run 求愛馬拉松」
年份 : 2007 英國
導演 : David Schwimmer
演員 : Simon Pegg, Thandie Newton, Hank Azaria

　　飛機電影系列二．
　　無中文字幕，免強明．．．

三國之見龍卸甲

「Three Kingdoms 三國之見龍卸甲」
年份 : 2008 香港
導演 : 李仁港
演員 : 劉德華, 吳建豪, 洪金寶, 狄龍, Maggie Q

　　飛機電影系列一．
　　好劉華．

ICU

I see dream in my life

Ice cream on you lips

I wanna taste both

Creamy Dream

See you

I will be back.

我怕你會生氣

我怕你會生氣
閉上眼睛想了你

我怕你會生氣
閉上眼睛想了你




夢內
你坐在我的桌旁
隔了一街磚的空氣
陌生的同學

衝上課室的男生撞倒了你
我是其中一個

對不起
你說

我給你買雞腿吃
我說

樓梯上
莫名其妙

小息的完結鐘聲響起
世界停頓下來

風紀在飄
時間是冰

只差三步便到小食部
那個大嬸看見我
笑了笑

雞腿，雞腿
眼睛的話語

不明，不明
大嬸的回答

雞腿，雞腿！
不明，不明！

雞腿！
什麼？

雞腿！
什麼？

我說雞腿！

你就是雞腿．
大嬸這樣說．

什麼？
我就是雞腿

你看著我
一條雞腿

大家也在驚叫
雞腿一彈一彈的回到課室

你看著我
沒有作聲

為什麼給我買雞腿？
你問

為什麼給我買雞腿？
你問

為什麼給我買雞腿？
你問

我喜歡你
吃雞腿的樣子

突然一口咬下的你
我有點痛

我不喜歡
雞腿

我看著旁邊的同學在笑
有的細聲在說

「她說她不喜歡吃雞腿啊，真可憐．」
「一看她就不是會吃雞腿的啦，還用問．」

再問一次
為什麼給我買雞腿？

我發了一個夢
夢內
你坐在我的桌旁
隔了一街磚的空氣
陌生的同學

但我喜歡那個夢內的你

我怕你會生氣
閉上眼睛想了你

七友

　　細個既時候，只係踢過七人足球，無諗過其他活動，都應該七個人玩．

　　九號波，訓訓訓．突然電話到，小柔叫開局．好！

　　五點幾，人齊，開局，喂，咩事，錯左．

　　做咩個個帶女黎．
　　錯哂，算點．示威呀？

　　早知叫埋我阿媽黎，開夠兩台．

　　七友都只欠一個白雪公主．
　　不過我一直唔鍾意公主，何況白雪公主．

know more, but it's real difficult.

　　一直相信，自己應該會被歸納為「世界仔」的類型．
　　連我自己都相信這是事實．

　　但這段時間，又發覺其實有一點出入．

Hey Mr. Lau!

　　「玩棄權，國恥啊！」

　　什麼？

　　你只是令一些人的發財夢碎了，一些有餘錢的人覺得花費不值，一些抽水的人突然有位入，一些支持者添上幾分擔憂．自己也多了一道傷痕，一些遺憾，沒什麼大不了．

　　不是運動員的人，明白個屁．

　　但，當運動沾上政治與金錢這兩樣最醜惡的東西，一切又是另一種光景．

　　「玩棄權，國恥啊！」

　　誰是國恥．誰在吃花生．
　　誰風雨不改練習．誰為中國人拿下不可能的田徑冠軍．

　　請好好養傷．
　　巴治奧仍然是很多意大利人心目中的英雄．

Bend It Like Beckham

「Bend It Like Beckham 我愛碧咸」
年份 : 2002 英國
導演 : Gurinder Chadha
演員 : Parminder Nagra, Keira Knightley, Jonathan Rhys Meyers

　　當係做下功課．
　　不過Keira Knightley真係一流，最緊要有腰．

4 x 100 水著份子

「United We Stand, and Swim 4 x 100 水著份子」
年份 : 2001 香港
導演 : 鄒凱光
演員 : 森美 吳佩慈 黃秋生 黃偉文 小儀

　　我所尊敬既天才型球員易師兄，好耐之前推介既正片．就在菲比斯今日既0.01秒，我覺得係時候睇一睇．

　　對唔住，我睇到森美既時候，始終無辦法忘記另一個人．

屋村仔的快樂週末

　　細個到依家為止，期中一樣每年都會有既願望，就係「冬天有得用石油氣或媒氣熱水爐沖涼」．而今日，我希望每星期都有一日，好似今日咁，唔使教鬧鐘訓醒起身．

　　人越大，就越黎越覺得「自然醒」既幸福程度，只係比「自然死」差少少咁多．










天亮了
我到底會支離破碎
還是灰飛煙滅
最不幸，只留下了筋竭力疲

完了

　　完了，我竟然買了「初戀限定」的第一卷來看．
　　我會就這樣死去嗎．．．

All About My Mother

「All About My Mother 論盡我阿媽」
年份 : 1999 西班牙
導演 : Pedro Almodóvar
演員 : Cecilia Roth, Marisa Paredes

　　When God hands you a gift, he also hands you a whip...
　　and the whip is intended only for self-flagellation

　　可能天才就係咁．

中毒

其實我都係萌馬尾的...

幾人憂天?

　　看了少許Intel Larrabee的報導，總覺得科技的進步速度，早已拋離人類社會的需求，並不為改善生活而存在．

　　或許春日是對的．

涼宮春日的憂鬱

　　次次一開左個頭，唔訓都要睇埋落去．．．
　　好累啊．．．14集．．．

　　開頭都只係好睇，到最後果幾集直情係正．唔，呢種語氣，係邊度聽過．．．？

　　雖然長門係超萌，但係我都係中意春日多d，因為個名既日文發音我覺得好好聽．

The Dark Knight

「The Dark Knight 蝙蝠俠：黑夜之神」
年份 : 2008 美國
導演 : Christopher Nolan
演員 : Christian Bale, Heath Ledger, Aaron Eckhart

　　「Why so serious?」
　　http://hk.youtube.com:80/watch?v=phTqQebUcPY&NR=1
　　http://uk.youtube.com/watch?v=w2yv8aT0UFc

　　因為唔認真，呢個世界係無人會理．
　　我地可以做唔認真既事，但係唔可以唔認真咁去做．

　　就連Joker本身都對chaos呢個situation超認真同偏執，凡事計到盡，只係佢要既野同一般人唔同．

　　再講，如果Heath唔係認真到呢個地步，就算係讚，又會唔會好似依家咁讚到天上有，地下無？

　　不過，確實係已經天上有，地下無了．

　　如果Christopher Nolan識我既話，我希望同佢講聲對唔住．當我見到另一個神既時候，真係笑左出黎，呢個唔應該係笑位．

　　but, why so serious sin?

Wall E

「Wall E 太空奇兵．威E」
年份 : 2008 美國
導演 : Andrew Stanton

　　Pixar出品，都無死錯人架啦．
　　究竟，PC點先可以同Mac相戀呢．．．

Batman Begins

「Batman Begins 蝙蝠俠：俠影之迷」
年份 : 2005 美國
導演 : Christopher Nolan
演員 : Christian Bale, Michael Caine, Katie Holmes, Gary Oldman, Morgan Freeman

　　睇第二集之前，都係要睇第一集先．．．
　　唉，好想出番聽睇．．．

兄弟

　　終於去左搵呢兩兄弟．

　　兩歲既魚旦已經識講野，仲識教我彈佢個結他仔．三個月大既魚旦仔就好似以前既魚旦，個樣其實真係無分別．

　　好耐之前睇中果個比小朋友彈既鋼琴，竟然已經無得賣，咁樣唯有再搵過，差住先啦，唔會走左你地既．

　　好耐無同何太一齊食飯，可能已為人母兩年既關係，佢d語氣越黎越似我阿媽，睇黎何生都比佢恰得好利害．唯一唔同既係，何太好多時都會叫工人做野，我阿媽就會自己走左去做．所以我都唔係好習慣食飯既時候，有人會一個人在廚房自己食．與其話我唔習慣，不如話我唔中意，就算係工人，我都唔明點解要咁做．

　　我識何生既時候係小學六年級，果時何太仲未係何太，只係我家姐．果時大家都好多黑頭，好鬼青春．但係果日我望住何生個頭，白左好多，自己近黎既白頭髮又多到唔知邊度走出黎．望住兩個細路，真係歲月摧人老．

　　近來想上戲院睇Batman，但係又未睇第一集，老細就借左第一集既Blu-ray比我，咁我唯有帶埋上何生屋企睇．Blu-ray真係清，只係播左第二集條Imax版trailer已經嚇到魚旦傻左唔出聲，當然，佢只係比d小丑既面具嚇親．問佢係唔係驚，佢又拎住頭答我一個驚字．結果睇完條trailer就收工，費事佢地訓唔著．

　　過左陣就代何太講睡前小故事比魚旦聽，本故事書個名叫「小英雄拉比」．拉比係一隻小刺蝟，佢細個既時候比松鼠爸爸同松鼠媽媽以為係一個大果實，就咁拎左番屋企養．拉比大左d既時候，就開始唔中意自己身上既刺，因為佢經常唔小心吉傷人同整爛d野．使唔使咁深呀，不過又好好睇．講到一半，魚旦開始講返個故仔比我聽，原來佢已經聽左好多次．咁問佢鍾唔鍾意聽，佢竟然答媽媽鍾意講，要問多佢一次，佢先答鐘意．最後小拉比利用身上既刺打敗左大野狼，成為小草原入面既英雄．

　　走果時問魚旦記唔記得我教佢做咩，佢大大聲話記得．

　　「咁係咩呀？」

　　「唔好叫工人姐姐做野．」

　　「咁邊個做呀？」

　　「媽媽．」

　　「！！！」

　　我叫你自己學做，你又屈我叫媽媽做，攪到我比何太話．睇你咁細個就識兜圈答問題，大個都應該係大把時間自尋煩惱多架啦．

Scoop

「Scoop 遇上塔羅牌殺手」
年份 : 2006 美國
導演 : Woody Allen
演員 : Woody Allen, Scarlett Johansson, Ian McShane, Hugh Jackman

　　英倫三部曲的第二部，我其實都係為左睇Scarlett Johansson．

再見美華

最後一日都比我見到，上天都算待我不溥了．

天使之翼

　　飲紅牛，變天使．

　　第一支，就好似車仁開左升壓渦，動力無限．

　　第二支，志偉射出沙古洛式射球，即係射一次衝力射球上天，等佢跌落黎再射一次衝力射球，扣400體力．但係Level 1既志偉只係得200左右既體力．

　　第三支，中左巨蟹座Death Mask既積屍氣冥界波，身體繼續做緊野，但係靈魂已經比人抽左落冥界．

　　第四支，學菲利既傑紐突戰隊既隊長傑紐使出秘技交換身體，可惜悟空掉左隻青蛙出黎，你就咁變左隻青蛙，乜都做唔到．

　　一日飲四支，最後係沖涼時突然流鼻血，以為自己咁大個人先黎M到．

咩世界

　　如果嘉士伯可能係世界上最好既啤酒，咁娛樂新聞，就應該係世界上最鳩既新聞．

　　http://hk.youtube.com/watch?v=pGVf4gUujms
　　http://hk.youtube.com/watch?v=l5Jk7f6FNzI

　　好在唔係竇唯，唔係燒你全家都似．

　　不過都係依家先發覺，點解無人搵鵬鵬做小龍？
　　咪又係姓李．

　　我讀得書少，你唔好影我．

回憶在夜空的紅

　　一場兄弟．

　　果晚阿恆生日，明知會死都要到一到．

　　我覺得，唔可以再講「到倒就到」之類既說話．

　　其實只係到左一陣，就飲左三杯Hoogarden，好耐未試過咁短既時間飲咁多．雖然只係啤酒，不過都足以wing死依家既我．

　　但係，好死痛快．

　　然後，一個人番公司繼續做野．

　　零晨12點既星期日，即係星期一既開始．

　　都係煲煙．

　　因為煲零晨煙，同左幾個看更叔叔熟左．雖然大家都唔知大家叫咩名，但係有時佢地見我出去，都會一齊．

　　呢排見得最多就係佢地．

　　可能其實我心裡面好想做看更，出左黎做野之後，無啦啦都會同d看更熟起上黎．我仲好懷念會識用dslr既阿黃，由鄉下拎左番薯比我送飯既高公子，同埋一見面就會握手，口含紅萬既Simon兄．

　　果晚個天好紅．

　　而且有少少風．

　　我聽住ipod堡煙，播緊既係克勤既一場兄弟．

　　一個看更走出黎，問我信唔信好快就會落雨．

　　我話，一定啦，個天咁紅．

　　原來唔一定．

　　看更大叔話要有埋少少風，先多數落得成雨．

　　點解既？我問．

　　晚晚望住個天，望左十幾年，點會唔知．

　　聽到佢咁答，我突然唔知講咩好．

　　我諗起我阿婆．

　　佢在生既時候，每次番風落雨前一兩日，都會風濕痛得好勁．但係佢會好自豪咁講，痛左廿幾年，點會唔準，準過天文台．

　　紅色既夜空，正確黎講，係暗啞既橙紅色．

　　幾滴雨水，開始滴落無人既馬路上面．

　　係勁喎．

　　因為密雲先會反映出街上面既街燈同樓既燈，我地先會睇到紅色．而有風代表氣壓比較低，所以多數落得成啦．

　　真係架？我問．

　　我估下既姐．看更笑住答．

　　不過我信．

　　你望左十幾年，我邊有得唔信．

　　看更番左入去巡樓．

　　我想，食多一支．

　　繼續，一場兄弟．

　　日落從沒有褪色　公園夕陽瀉地

　　年輕相約　玩耍總有你

　　瀾漫時日已結束　朋友為名利變

　　漸行漸遠　太多公事　聚太少

　　人各有不同利益　一句義氣險如薄冰

　　今天相見要很高興　怕何時變得絕情

　　朋友似不曾認識　欺騙過我的曾經真誠

　　落泊裡一起酒醉　互相打氣

　　步向光榮　只好　一個盡興

　　只好一個盡興

死亡疾走

「Dead Run 死亡疾走」
年份 : 2006 日本
導演 : Sabu
演員 : 手越祐也 韓英惠 豐川悅司 中谷美紀

　　睇DVD封面，仲以為係青春熱血野黎，點知係灰到爆既青春殘酷物語，成長都係需要代價．

　　原來韓英惠就係「誰知赤子心」入面個學生妹，真係幾有氣質，嗯，我覺得氣質係重要d．仲有隻OST應該會幾好聽．

CHANGE

　　改變．
　　木村叔叔，利害．

　　一shot落22分鐘，無任何insert，反應，日劇真係勇敢，最緊要又過到老細．

吹眠

神啊！求求讓我睡

請不要再打雷

神啊！求求讓我睡

否則叫我死去

跳下床

我在無目的追追追追