＜1125＞前一晚因為朋友生日出左去玩，夜晚番到屋企之後又訓唔著．就係咁，係無訓過既情況之下，我出左去開工．
結果係，嚴重手震．
「世伯伯有恭喜哂呀下，飲過新抱茶，富貴又榮華呀下！」
「阿伯有茶要到口先得架，茶到口，財到手，兒孫滿地走呀下！」
「阿新朗哥要喂舊乳豬怩新娘食架喎，係啦係啦，好！乳豬喂一舊，好快做老豆呀下！」
如果係人都知呢ｄ野出自我把口既話，你話我仲點出黎見人．
乜你話轉行就係轉做大禁姐啦咩，使唔使我送把葵扇過你呀？
嗚呀～～～
諗起都恐怖！！！
「呀師傅，影相啦！」
「係，ｏｋ！不過我唔係負責影相果位黎．」
「呀師傅，影相啦！快ｄ啦，好趕呀！」
「ｏｋｏｋ！不過我真係唔係負責影相果位，負責影相係另一位師傅黎．」
「呀師傅，影相啦！好多人等緊呀！」
「係！我ｐａｒｔｎｅｒ依家換緊電，不如我幫你執執ｄ企位先啦．」
「都係咁影架啦，快ｄ啦，好趕呀！」
「明白明白，完全明白，不過呢，因為影相呢個地方又唔算好大啦下，咁呢，各位親朋戚友又一字長蛇咁排開，其實真係影唔到架，不如咁啦，搵幾位靚仔靚女坐去前面啦好嗎？」
「呀師傅，影相啦！」
「好，不如今次都係搵幾位座去前面先啦好嗎．」
「做乜成日又坐又企咁架！」
「希！你都想影得靚仔ｄ姐，係咪？你搵得我地，我地都實想幫你影得好ｄ架啦！」
註：所有回答，請加上露齒式真誠為你服務笑容，用黎增強專業同友善既形象．
影完堂相，喂完豬，另一位師傅比左個專業既眼神我，就係咁，我地前後腳入左廁所煲煙．男廁入面有兩個廁格，相機佬入左左面果格，我入左右面．當我點起支煙既時候，我聽到隔離廁格響起一句好有感情既愛的呼喚．
「我屌你個老母呀！！！！！」
同埋一下好大力既踢門聲．
「師兄乜事咁激動？」
「我屌你個老母，依家仲邊有人結婚封廿蚊比人咁撚仆街，仲要寫埋我地個名落封利是度，屌你老母．」
可能當人去到某個位或者年紀既時候，就會用某ｄ語句黎表明自己開始講野同埋講完野．即係好似文字上既開引號同關引號咁，又好似ｄ差佬用ｗａｋｉｅ聯絡時果ｄ ｒｏｇｅｒ呀，ｏｖｅｒ之類咁．
「我屌你個老母呀！真係，唉，我屌你老母．」
雖然我唔太明白呢位師兄呢句話主要想講既內容，但係我就深切咁感受到佢既感覺．因為我果封，都係得一張廿蚊，仲要兩封都係．
其實我無做野之後，已經好少講粗口，什至可以話無講咁滯．識我既人，一定知我無講大話．
「我屌你老母．．．」
如果城城攞到影帝，係因為眼入面有紅根，同埋擘大個口黎表達哀痛既話．我相信憑呢句屌你老母，至少應該獲得提名．
「拿，師傅仔，我一陣出番去影果ｄ就一定叫硬春架啦，你就自己決定啦．」
「唔太明，點樣叫春呢？」
「即係求撚期呀！」
哇！果然活到老，學到老．最有創意既通常都係ｄ大叔．我無諗過求期拍既話，咁樣仲叫唔叫專唔專業呢ｄ問題．因為我相信自己比心機拍同求撚期咁拍，唔會有太大既分別．簡單ｄ講，我根本就唔係專業，同專業差太遠．我更加唔想拍呢ｄ野會變成我既專業．
「梗係，仲使問咩，我都叫硬春架啦！」
所以話，去到食野既地方，如果有野要換既話，真係要忘記自己係客人既身份，比番ｄ禮貌．除非你好中意個口生野．
收工果時我係左腦附近撞到劉華，佢緊係講佢果句名言，
「今時今日咁既服務態度係唔夠架！」
我諗左一陣，係右腦附近同佢講左句話．
「屌你啦，又唔係你做．」
