Latest Work

　　即係咁，睇到爛都係要post番o係度先安心。

　　做左四集自己想要既野出黎，先發覺好比心機做同比d心機做，出黎既效果原來係差唔多。四集都播完，我諗左三日，下一次，如果仲有機會既話，係唔係應該交duration就算？

　　或者易師兄同佢個朋友講得啱，依家電視工業既實情就係「一班垃圾做一堆垃圾比一班垃圾當垃圾睇」。但係化到咁既話，做人仲有咩意思。。。

　　有晚同祖咪o係後樓梯堡煙傾開，佢勸我唔好要求每個單位都可以做到自己心目中既standard。我答佢我要求既野其實好基本同好合理姐。

　　「咁呢個世界本身就完全唔合理架馬！」佢即刻咁樣答番我。

　　喂，你咁講，我邊有得反駁架。